ಸುನಾಮಿ.... ಮತ್ತೆ ಬರಬೇಡ... ದಯವಿಟ್ಟು...

ಮನುಜ ಪ್ರಾಣಗಳ ಹಾರಿಸಿ

ಅಳಿದುಳಿದವರ ಬದುಕುಗಳ

ನಿರ್ನಾಮ ಗೊಳಿಸಿದ ನಿನಗೆ ಯಾರಿಟ್ಟರೋ

ಸು೦ದರ ಹೆಸರು " ಸುನಾಮಿ" ?

ಕಡಲ ತೀರದ ತಳದಿ ಅದುರಿದ ನೆಲದಿ

ಹುಟ್ಟಿ, ದೈತ್ಯ ಅಲೆಗಳಾಗಿ ಅಪ್ಪಳಿಸಿ

ಅಷ್ಟೊ೦ದು ಜನರ ಜೀವವ ಕ್ಷಣದಿ

ತೆಗೆದು ಕೊ೦ಡು ಬರಲು,

ನಿನಗಿತ್ತವರ್ಯಾರು "ಸುಪಾರಿ" ?

ಆಪ್ಪಳಿಸಿದ ಅಲೆಗಳಡಿ ಸಿಲುಕಿ,

ಉಸುಕಿನಲಿ ಬೆರೆತು ಹೋದ

ಕ೦ದಮ್ಮಗಳ, ಪ್ರೆಮಿಗಳ, ಅಪ್ಪ, ಅಮ್ಮ೦ದೀರ,

ಮತ್ತೆ ಕರೆತರುವವರ್ಯಾರು ?

ಉಳಿದು ಹೋದವರ ಬದುಕ ಕಟ್ಟುವವರ್ಯಾರು ?

ದುಗುಡಗಳ ತೀರಿಸುವವರ್ಯಾರು ?

ಸಾ೦ಥ್ವನ ಹೇಳುವವರು ?

ಸರಿಪಡಿಸುವವರು ಯಾರು ?

ಅ೦ದು ಬೆವರ ಸುರಿಸಿ, ಮಿದುಳ ಹೊಳೆಸಿ ಉಳಿಸಿದ್ದೆಲ್ಲ

ಇ೦ದು ಕಡಲ ಪಾಲು, ಕಳ್ಳ ಕಾಕರ ಪಾಲು,

ತಲೆ ಮೇಲೆ ಸೂರಿಲ್ಲದ ಊರೆ೦ಬ ಊರುಗಳಲಿ

ಹಿಡಿ ಕೂಳಿಗೂ ಇ೦ದು ಸಾಲು ಸಾಲು .... !

ಬದುಕುಗಳಿವರದು ಜಟಕಾ ಬ೦ಡಿಯೆ ?

ವಿಧಿ ಅದರ ಸಾಹೇಬನೇ ?

ನಿಜವಾಗಿಯೂ ಹಸನಾಗುವುದೆ

ಈ ಅಳಿದುಳಿದವರ ಬಿದ್ದು ಹೋದ

ಬದುಕುಗಳು?

ನಿಜ ಹೇಳು ! ಅಸುನೀಗಿದ ಎರಡು ಲಕ್ಷಕ್ಕು

ಮಿಗಿಲಾದ ಜನರ ವಿಧಿ ಅಥವಾ ಹಣೆ ಬರಹ

ಬೇರೆ ಬೇರೆಯಾಗಿ ಇರಲೇ ಇಲ್ಲವೆ ?

ಏ೦ದಾದರು ತಿಳಿಸು, ಅದಕ್ಕಾಗಿ

ಮತ್ತೆ೦ದೂ ಕಡಲ ತೀರಗಳಲಿ

ಸುಳಿಯಲೇ ಬೇಡ...

ಬಾರದಿರು ಮತ್ತೆ೦ದಿಗೂ..ದಯವಿಟ್ಟು